سوفت وير

دى كلمة عامة بتستخدم عشان توصف مجموعة من برامج الكومبيوتر واجراءات و ورق خاص بالسوفت وير ده (بيوصف بيشتغل ازاى وكمان ازاى البرنامج اتصمم واتعمل بانهى لغة برمجة) كل دول بيعملوا حاجة او مهمة معينة على نظام الكومبيوتر.

أنواع السوفت وير

1- سوفت وير تجارى: هى سوفت وير مش ببلاش و لازم اللى بيستخدمها يدفع فيها فلوس ، و ليها رخصه من الشركة او الشخص اللى عاملها وما ينفعش استخدام نسخه مضروبه او مش مدفوع فيها فلوس . شرا البرامج دى مايديش الشارى حق ملكيتها وانما يديله حق استخدامها بس ، كمان فيه انواع من البرامج دى لازم الشارى يجدد رخصة استعمالها كل فترة زى برامج الانتى فيروس.

2- سوفت وير مجانى لفتره معينه: دى بتبقى برامج مجانيه لفتره زمنيه معينه ، زى دعاية كده ، وبعد كده بتتوقف ولازم اليوزر يشترى حق استخدامها.

3- سوفت وير مجانى: دى برامج مجانيه بيقوم المبرمج بتطويرها حسب الملاحظات اللى بيديهاله مستخدمين البرامج دى ، والبرامج دى ليها حقوق ملكية وما ينفعش تتنسخ خالص.

4- سوفت وير عام: ودى برامج ممكن اى حد يعدل فيها حسب ما هوه عايز.

5- السوفت وير هو عبارة عن برامج من بعد الشركات لاعادة صياعة التلفون المحمول مرة اخرى عن طريق رخصة دولية تستخدمها بعض محلات الصيانة

[تعديل]

[تعديل]