كففية عمل فلاشة ويندز بوتابول من غير اى برامج

فى مشكلة بتقابل اى حد عايز يسطب نسخه على جهاز مفيهوش سى دى روم

او السىدى روم بتاعه بايظ او ف الغالب للناس اللى بتستخدم النوت بوك و المينى لاب توب علشان دول بينزلو من غير سى دى روم خالص و بتقعد تسأل نفسك ازاى هسطب ويندز على الجهاز و بتفضل تدور على سى دى روم علشان تسطب النسخه و قليل جدا لما تلاقى حد يسلفك السى دى روم

دلوقتى معانا حل للمشكله دى ومن غير سى دى روم ولا اسطوانات ولا اى حاجه من الكلام دا و بنستخدم الفلاشه بدل الاسطوانات و الحل دا هينفع كل اللى بتقابله امشكلة دى لان مفيش جهاز من غير usb و الطريقة دى سهلة جدا جدا لو اتبعت الخطوات اللى هقول عليها دى كويس و تركز وانت شغال.....

ملحوظة  :: الخطوات دى هتتعمل على اى جهاز طبعا فى سى دى روم الاول علشان ناخد نسخة من اسطوانة الويندز و نحطها على الفلاشه علشان نستخدمها على االجهاز اللى مش فيه سى دى روم ...

ملحوظة أخرى :: الخطوات دى انا منفزها كتير اوى على ويندز 7 و فيستا بس مش عارف ال اكس بى اخباره ايه جروبو ومش هتخسرو حاجه .....

لو نويت على الحل دا ركز معايا كويس و واحده واحده هتلاقى الموضوع سهل اوى

نبدأ على بركة الله ................بسم الله الرحمن الرحيم .......................توكلنا على الله

1*هتجيب الفلاشه بتاعتك و يستحسن انها تكون 4 جيجا اوى اكتر لان مساحة الفلاشه بتفرق ف سرعة و دقة تسطيب الويندز اللى انت عايز تنزله سواء كان اكس بى او 7

2*بعد تفتح قائمة Start و تختار منها Run و تكتب ف Cmd و تدوس Enter
هتظهر معاك الصفحه دى 

3*هتكتب بقى ف الصفحة دى بالترتيب زى ما هقول كدا :
اول حاجه تكتب (DiskPart) طبعا من غير الاقواس و تدوس Enter 
هتظهرلك الصفحة دى:

هتكتب ف الصفحة الجديدة دى الامر دا (List Disk) وبردو من غير الاقواس 
هتظهرلك الصفحة دى : 

1. هتلاقى  فى Disk 0 ودا الهارد بتاع الجهاز ولو الفلاشه اللى انت حاططها دى هو الusb الوحيد اللى ف الجهاز هتلاقيه Disk 1 و كل Disk جمبه مساحته علشان تتعرف على الفلاشه المطلوبه بسرعه و مش شرط تبقى الفلاشه Disk 1 على طول انت تشوف المساحة بتاعة الفلاشه اللى انت حاططها ايه و تدور عليها ف الصفحة اللى مفتوحة قدامك .

4* الخطوة دى بقى اهم خطوه و لازم تكتب فيها الاوامر دى بالترتيب علشان اى اختلاف ف الترتيب هيبوظ معاك كل اللى فات دا و هتعيد من الاول و الاوامر سهلة و ممكن تخمن كل امر قصده ايه

هتكتب Select Disk 1 و لو الفلاشه بتاعتك مش Disk 1 تشوف هو رقم كام و تبدله

و بعدين تكتب الاول Clean ودا علشان يفضى الفلاشة

و بعدين Create partition Primary ودا علشان يعمل الفلاشه القرص الاول ف البوت او يبوت من عليها بمعنى اصح

و بعدين Select partition 1 

و بعدين Active

وبعدين Format FS=NTFS وخلى بالك ان ممكن الفرومات ياخد وقت شوية و هتلاقى عداد شغال بيقولك الفورمات وصل لفين

وبعدين الامر Assign 

و ف الاخر الامر Exit

5* دلوقتى هندخل على الحطوة اللى بعد كدا اللى هى هتحط السى دى بتاع الويندز ف السى دى روم 

ركز معايا كويس 

انا البارتشن بتاعى بتاع السى دى روم او الحرف بتاعه F و الفلاشة G يعنى انا هعمل الخطوات اللى جايه دى على الحروف دى 

انت بقى تشوف الحرف بتاع السى دى روم ايه عندك و الفلاشه كمان حرفها ايه و تبدل الحروف اللى انا حاططها بحروفك انت 

 

6* هتفتح دلوقتى Cmd تانى او تستخدم الاولى خالص اللى كتبنا فيها اول امر خالص و هتكتب الاوامر دى بردو بالترتيب

اول امر هنكتبه هو F:cd boot وحرف ال F دا زى ما قولت بيرمز للسى دى روم

و بعدين الامر Cd boot

وبعدين الامر BOOTSECT.EXE/NT60 G: وحرف ال G دا علشان الفلاشة عندى بحرف ال G

7* دى الخطوة الاخيرة وهى نسخ ملفات الويندز كلها اللى ع الاسطوانة للفلاشه كوبى و بيست عادى خالص و بكدة انت عملت النسخة على الفلاشه بس شرط انك تخلى الجهاز يعمل بوت من الفلاشه قبل الهارد و دى من الضبط بتاع البوردة و دا مش هعرف احدده علشان بتختلف من كل بورده لبرودة

الموضوع انا اللى عامله ومش منقول والله و من مجهودى الخاص وحصرى على سوفت وير كافيه و بس