الحل النهائى لمشكلة ارتفاع درجة حرارة اللاب توب

لو اللاب توب بتاعك بدأ يسخن و انت خايف احسن يكون غلط ومش عارف تعمل ايه ؟
 عايز حل للمشكلة دى ؟
 إليك الحل ....

دى مجموعة من الحاجات اللى المفروض تعملها علشان تقلل من درجة حرارة الاب بتاعك و انا مجربهم و حسيت بالفرق فتابعونى...........

- تنظيف الغبار :
الغبار دا السبب الرئيسى و الاول و الاخير ف سبب ارتفاع درجة حرارة اللاب علشان التراب بيسد فتحات التهوية بتاعة اللاب ف المروحة بتزيد سرعتها علشان توصل البرودة للاب بس مع وجود الترب دا فى فتحات التهوية فلا جدوى من اى حاجه هتعملها علشان كدا لازم تشيل التراب دا بأستمرار عن طرق شراء علبة من الهواء المضغوط وتنظيف فتحات الكمبيوتر المحمول الخاص بك ويجب عليك تنظيف الغبار بانتظام كل اسبوع أو اسبوعين. 

- تغيير إعدادات الطاقة :
افتح Control Panel ثم الى تغيير إعدادات الطاقة و غير اعدادات الطاقة للكمبيوتر المحمول الخاص بك والتى تساعد فى انخفاض درجة حرارة الكمبيوتر المحمول ولو قليلا ان ام يكن كثيرا.

- إيقاف التشغيل :
ابوس ايد اى حد بيسيب اللاب شغال و ينزل يقعد مع صحابه علشان دونلود او اى حاجه بلاش الحركة دى 
الحركة دى مدمرة للاب مش بس للسخونيه دا كمان لميديا الهارد اللى بتقعد شغاله 24 ساعه

- الحصول على لوحة تبريد :
يممكن تشترى كمان المروحة الخاريجة اللى بتتثبت تحت اللاب و دى هتساعد ان الهوا يدخل للاب من كل حته علشان تخفف شويه من الحمل على المروحة بتاعة اللاب و تقلل من صوتها و تقلل بالتالى سخونية اللاب و دى ممكن تلاقيها ف السوق من 100 ل 150 جنيه مصرى

- مروحة تهب فى مخارج الكمبيوتر المحمول :
ممكن كمان تجيب مروحة عاديه من اللى عندك ف البيت وتوجهها ماحية اللاب و دا يساعد على مرور الهواء عبر هذه الفتحات و دا  هيقلل من درجة حرارة الكمبيوتر ولازم كمان اللاب يكون على سطح صلب ومستو علشان بترتفع درجة الحرارة أكثر لما بيكون على سطح مائل مثل السرير يا حضرات :D و النقظه دى بالزات موجهة لكل الشعب المصرى اللى بياخد اللاب ف حضنه و هو نايم 

بس كدا ...
و لو نفذت كل الكلام دا و النعمه هتحس بالفرق ف سخونية اللاب اللى مكنش ليها حل